رُقيّ ...
مع انّي سَكّرت البَابْ
ورمَيت الْماضي بالبَحر
بدّي تصارحني بِجَوابْ
يعزّيني الْ باقي من العُمر ...
تعلّقنا وكنّا أحباب
كل سنينّا حُبّ وغَمر
ليش بلحظة غرَزتْ النّابْ
ورميتني ببحور القهر ؟!!!
قالوا لي هيدا لَعّابْ
ببحبّ الإلفة بالسّرّ
لا تصَدقي حكيو كذّابْ
قصّتكم آخرها هَجر !!!
تحدّيتهم قلتلهم تابْ
مش ممكن يسقيني المرّ
ولَمّن تلج العشرِة دَابْ
صاروا دموعي أكبَر نَهر !!!
خبّرني شو اللي بينعابْ
فيّي دَخلك وافشِ السّرّ
خلّيها جلسة أصحَابْ
تا ما ادعي ويصيبك شرّ ...
عامر ...
ليست هناك تعليقات:
إرسال تعليق