تعالوا نعمّر بيوت وعتابا
من الإبداع تا نرفع عتابا
الواحة ن عاتبت غالي عتابا
مازالو الحب عنوان العتاب .
يادنيا ليش ع دروبي محلتي
مابيني وبين أحزاني ما حلتي
وأنا بهالوقت يادنيا ما حيلتي
بحياتي غير عمر بلا شباب .
غيابك أبلغ من الجرح أوجَع
دخيلك لاتزيدي القلب أوجاع
قلبك لو شبع بالحب أو جاع
بيبقى يكوّم بقلبي العذاب .
لوجين شفافك مطعّم ع مرمر
وصالك صعب مرمرني ع مر مر
شو نفع الآخ عا ماضي وعمر مر
تركني دوب ما بين الهداب .
ع مرمى القلب عم ترمي مرامي
قصدتي تلوّعي زهوة مرامي
لو الرامي رمى سهمو مُرامي
إذا ما نص قلب القلب صاب .
متل جبران بغرامو غرا مي
تعالي وكوّمي بقلبك غرامي
غيابك طال في عليكي غرامة/ي
خمس بوسات تنصفّي الحساب . د.عيسى فضة
ليست هناك تعليقات:
إرسال تعليق