ورطة !!!
دخلك عَلى شو
هالتّقل وشوفِة حالِكْ ؟
ما قلنا شي
غير يسلملي جَمالك !! ...
مش حرزانة
تلمّي عمَامك وخوالك
تا يقطعوني
وتنتقمي ويرتاح بالك !!...
نظرة إعجابْ
وكلمة صغيرة رميناها
ما بدّها حرَاب
والموتة نستنّاها !! ...
لا تردّي جوابْ
لا تواخذينا سْحبناها
وكسَرنا الباب
ع الحُبّ كلّو كرمالك !!...
يا ويلي وين
كلّ هالقسوة مخبّاية ؟
من نظرة عَين
صارت لحياتي نهاية !!
لو بعرف هيك
ما كانت هيّ الرّواية
ولا اطّلّع
حتى عَ ظلّ خيالِكْ !!!
عامر ...
ليست هناك تعليقات:
إرسال تعليق