حقوق النشر محفوظة
------------------؛
كل الحبايب
-----------؛
كل الحبايب ... بيروحوا
ولا عادتش باقى لنا أحباب
والقلب دايب .. ف جروحه
ولاقالش مرة من ايه داب
واللى فاتنا ح تفضل روحه
ذكرى مابيننا.. مهما ان غاب
وياخدنا الأمل ويامكتر بوحه
و بننكر .. أنه ..أمل كداب
دنيا بغرور ... رغم وضوحه
يغرينا المنى ماعملنا حساب
يجينا يوم ... صعبة تروحه
ما تعرف حبايب من أصحاب
والطير لو ساب يوم دوحه
اوعى مرة تفكر ليه ساب
و ياريت الحزن بينفع نوحه
كنا عملنا .. م الحزن كتاب
والجنة عطر زهور بيفوحوا
بيكوا وليكوا يا أغلى احباب
وكل الحبايب ... بيروحوا
صغار كانوا .. أو .. شياب
------------؛
بقلم / عادل شعبان
ليست هناك تعليقات:
إرسال تعليق