استسلااااام !!!
تغلغلتِ بإحساسي كتير
وفتّحتِ جروحي كلّها
ونكشتِ سرّي من البير
وصرتِ البنت الْ ما بملّها ...
ما كنت بصَدّق شي نهار
النجمة الأحلى أوصَلّها
قدّام عيونها انهار
وتسكُن روحي وتحتلّها ...
معذور وما عليّي لوم
لو ما داقت عيني النَّوم
وبقيت بسحرها مغروم
وبقلبها وروحها وكلّها !!!
يلّي من الجنّة محروم
وما كان بعمرُه مغروم
بيوقف قدّامها مصدوم
من عطر ورودها وفلّها ...
يا قمري ويا نجم سهيل
لا تطوّل بالعتمة الليل
عشقها جارف قلبي بسَيل
آهاتي لَكْ شو حلّها ؟؟
جمّعني ولا تقسى كتير
بالحلوة الّ شعراتها حرير
الْ خلّتني بغرامها طير
تا اروي شفافي وبلّها ...
عامر ....
ليست هناك تعليقات:
إرسال تعليق