لتبصّري الفنجان م بحب الودع
مبقيّم التبصير ولا عندي ورع
بعرف اموري وحالتي كلا نحس
من صغر سني كنت معتاد الصّراع
**
لو تحمّليني ثقل أطواد الجبال
إبعد معاك شيئ من ضرب الخيال
عندي كرامة كتير أغلا من الدني
ولتفكّري بالحب كُن عبدٍ مُطاع
**
بيّك رئيس القوم ومجمّع فلوس
ما همّني الموضوع والوجّ العبوس
ب مضارب الرعيان خوّان الضمير
ع بئر من ماء ب يقيموا الصّراع
**
عايش فقير الحال وبحب الفقر
من كُل وردة مفتحة بشم العطر
لتحاولي بالمال مبسافر معك
لو ملّكوني الكون مبرافق رُعاع
ليست هناك تعليقات:
إرسال تعليق