تحيتي لكم بعد غياب أعاق حضوري معكم
صيام الأكل لايُجدي صيامو
إذا ماحلّل وحرّم حرامو
صيام الألسن بيعطي فضيلة
لأنو كتير ب يعلي مقامو
ويلّي بيجعل صيامو وسيلة
وكلام الكذب قدوته وقيامو
رديء الطبع بالنفس الرزليلة
وشهر رمضان مانو من زلامو
شحيح البُر واليدو بخيلة
وغلّ الكف من جملة نظامو
النيّة اصل تُعطي كل عيلة
على ترباية الفيها استدامو
يُكرم للضعاف بكل ميلة
الله يبارك بزودة طعامو
يُحني الرأس للناس الفضيلة
بخشوع وأدب بيأدي سلامو
وقتها نقول صام الشهر كلو
ألف مبروك هالصومة فضيلة
سلمان حسن
ليست هناك تعليقات:
إرسال تعليق