قصيد طويل : (مدين رحال)
انا شاعر انا بعاتب زماني
جَار الدهر وب نارو كَواني
بعد ما كنت في اعلى مراتب
ولكل الناس عم قدم أعاني
طفل الحَي ل حضوري مراقب
ت منّي جيبتو تصبح ملاني
وإذا في شب بالحارة مشاغب
وعامل مشكل وطبعو أناني
أدخل بالصلح والنظر ثاقب
ت حل المشكلة وأعطي ضماني
وفعل الخير عندي الشر حاجب
وهيك الرب شبعني بحناني
ليش الحظ فخ اليوم ناصب
وبِدْي يضغط على إسمي وكياني
ت عقرب ساعتي بلش مثاقب
على وقت القهر يحسب ثواني
انا منك يارب الكون طالب
ابقى عايش العيشة الكريمة
ورجعني ع مجدي وعنفواني
ليست هناك تعليقات:
إرسال تعليق