طوّل بالكْ ...
مع انّو هيدا شي صَعبْ
وجديد علَينا كلّنا
نقعد بالبيتْ كلّ الوقتْ
إجباري وغصباً عنّا !!!
من حقّك تصرخ وتقولْ
تعبنا .. واللهِ زهقنا
لكنْ فترة وما بتطُول
كرمالنا .. لا تضيّعنا !!!
لا تضلّ تشوف الموضوع
على انّو .. أسر وخنقة !!
لو تعرِف وجَع الموجوع
ودموع أحبابو بحرقة !!!
كنت بتشكر ربنا كتير
وبتعرف انّو سلمنا
كرمالنا اللي عم بيصير
تا ما نخسر واحد منّا ...
وخلّيها يا سيدي فرصة
تشوف أحبابَكْ كلّ الوقتْ
الْ ما نالهم منّكْ حصّة
وعنهم بهمومكْ ما سَألت !!
تعرِف عنهم ويخبروكْ
عن قصص كتيرة ما عرفتْ
وتسلّيهم .. ويسلّوك
بتلاقي وقتك ضيّعتْ !!!
فترة وبتعدّي ان شاالله
منتشكّر ... انو تحمّلتْ
كل شي بيخلَص وبيبقى
اللي فيها للجايه رسَمتْ !!!
عامر ...
ليست هناك تعليقات:
إرسال تعليق