( بين الفزع والجوع )
الوقت خرفان ماشي ع الحوافي
سرق أحلامنا وكل العوافي
صار العشق متل الورد ينداس
وكل الشقى محمول ع كتافي
يا هالدني من بين كل الناس
بجنون صرتي تخزّقي لحافي
وتخمّري دمّي ودموع بكاس
واشرب وجع هالكون ع الصافي
صرتي بقساوة تقتلي الإحساس
صار الحكي محزون ع شفافي
محجور صرت وفرشتي من الآس
وعامل غطائي وراق صفصافي
بين الفزع والجوع والوسواس
بموّن قهر مونة عمر كافي
وقالب ع راسي برفقة الإفلاس
متل اليتيم الشارد الحافي
في ناس همّن بالدهب والماس
وبعدو الوباء بلا دوا شافي
الزمن هربان من وحش الكورونا
بعجقة موت ع بواب المشافي
وبتقول أوعا تفزعي تخافي ؟! د.عيسى فضة
ليست هناك تعليقات:
إرسال تعليق