مُشْ طالبَة كتير !!!!
لأ .. يا روح أمّك .. لأ
صحصحلي ما بلاش رِقّة
عايزاك راجلْ تسندني
مش تفضل جنبي لزقة !!! ...
تجد عن كده .. فرّح قلبي
فشخرني قدّام النّاس
عايزة هدايا تغرّقني
هدوم وبارفان وألماسْ !!!
عربيّة وشقّة على النّيلْ
سوّاق وخدم وحرّاسْ
لو ما انتاش قدّها يا جميل
دوّر لكْ على غيري مقاسْ !!!
شُفلكْ وحدَه من إيّاهم
تقبَل بالقهر وبالفقر !!
ما تكونش بتحلم زيّي
تعيش خوجاية طول العمر !!
كفاية عليّي اللي دُقتو
مش هخرج من قبر لقبر ...
أنا وحياة أمّي قرفتو
ده اللي بيقولوا عليه الصّبر !!
عامر ...
ليست هناك تعليقات:
إرسال تعليق