أمنية !!!
كلمة منك بتداويني
بتخليني عَلِّي وطير
والفرحة ترقص بعيوني
وصِير غرّد متل العصافير ...
يا حسرة عمري مآسيني
ومعذّبني بدُور الزّير
إيمته بدّكْ تشعر فيني
وتجنّبني هالتعتير ؟!!
انت بنظري قلبي وروحي
خلّيتك على عُمري أمير
وانتَ قايد جمر جروحي
وما عندك نتفة تقدير !!!
بترجّاك تحسّ وتفهم
مين عشقَكْ من غير تفكير
وشو يَعني يضلّو يتألّم
من ظلمك ويعاني كتير !!!
ما بتمنّى تحسّ إحسَاسي
وتجرّبْ حزني الكبير
هيدا لأنّك أغلى ناسي
مش محتاجة كتير تفسير !!!
عامر ...
ليست هناك تعليقات:
إرسال تعليق