قَهر وأمَلْ !!!
شو بتعني هَيدي الرّسَالة
اللي رميتها من تَحتْ البَابْ ؟
خيفانة انّي اقراها
وبذبحَه .. قلبي ينصَاب !!
معقولة فيها عتابَكْ
عَا شي سببْ من الأسبَابْ ؟؟
ولّا ... تا تقلّي غيابَكْ
معذُور ومنّك كذّابْ ؟؟
راح خلّيها بصدري هَونْ
مش راح افتحها وَحدي
إحلَم اقراها بشِي يَوم
وانتَ عم تضحكْ حدّي !!
حبّي باقي ما بيموت
لا برسَالة ولا بكرُوتْ !!
بتعرفني قبل ما تفوت
ع قلبي ونصير أحبابْ !!!
مش راح خلّي شموعي تدوب
ولا شمسَكْ تعرِف الغروبْ
راح تبقى بعيني المحبوبْ
مهما طوّلتْ الْ غيَابْ !!!
عامر ...
ليست هناك تعليقات:
إرسال تعليق