( وينك يا ألله )
شفت السما صوب الأرض بتزيح
والأرض عم تطلع . . ع برج الريح
ولمّا التقوا ع دراج علّة مزمني
وعم يرجف من الخوف هالديك الفصيح
فاق الوعي عا مفرق الحلم الهني
وكان الوقت غفيان عا تختو المريح
مرقت ع عمر الناس ضحكة سوسني
ماتت يتيمة تحت آهات الجريح
وعم توقع الأيام من غصن السني
وإبن الزمن موجوع . . عم بيصيح
وينك يا ألله تشوف عين الولدني
بتنام عا بال الهلع تا تستريح
وجايي ع جسر النار دعسة شيطني
تحرق على الميلين هالكون الفسيح
ولو كان بدّك هيك تبقي يا دني
مش رح بيبقى لا مليح ولا قبيح
بعز البكي قدّام أزمة مدوزني
جايي محمد ماسك بإيد المسيح
يحموا البقايا من جنون الكورني
وحش الكورونا المفترس رح يقتلوه
ونبقى سوا ونعيش ويصح الصحيح .د.عيسى فضة
ليست هناك تعليقات:
إرسال تعليق