رَيّحني ..!!
ليش عَم تعمُل فيي هَيكْ
بدّك يعني تطفّشني ؟؟
شو رأيكْ سَهّلها عليكْ
أنا قولها وتوافقني !!!
إحساسي مفروضة عليك
باقي حتى تجاملني !!
وجودك حدّي وانت هيك
أكتر والله بيدبحني !!
ما بعمرها الإلفة بالغصبْ
ولا جرّ بينجرّ الحبّ !!
يَمّا الشي نابع من القلبْ
يمّا فلّ وودّعني !!
إن كنّك مش حاسِس فيّي
ليش تا تضلّ حواليي
قولها كَفّي ما فيّي
بلطف وكافي تعذبني !!!
شو لزومها ابقى حدّك
كابس عَ الجرح بيدّك
يا ريت تعرف شو بدّك
حتى بصدق تصارحني !!!
عامر ...
ليست هناك تعليقات:
إرسال تعليق