شَغَف ...
ما بتخيّل يمرُق يَومي
من غير ما اتصبَّح فِيكْ
فتّح عينيّي من نّومي
حدّي بإحسَاسَكْ لاقيكْ !!!
يا الله .. شو هالعينين
الْ ربّنا من سحرُه عاطيكْ
ولَا ...رَسمِتْ هالخدّين
الْ بتخلّي ببَوسَها وَعّيكْ ...
خيفانة وقلقانة ع حالي
من حسَد الطمعانة فيكْ
راح خبّيك بقلبي وبالي
تا تبقى لي وحدي شريكْ !!!
ما بتعرف شو عامل فيّي
وشو بعمل حتى ارضيكْ !!!
بفديك بروحي وعينيّي
ونبضاتي وقلبي بعطيك !!!
ضلّك حدي اوعى تفكّر
اسمَح لغيري تداريكْ
أو لحظة الله لا يقدّر
ارضى تتركني وهنّيكْ !!!
عامر ...
ليست هناك تعليقات:
إرسال تعليق