وَعد ....
عن إذنك يا نجم سهيلْ
تخبّى الليلة وما تطلَع
محبوبي جايه بالليل
وما بدّو غيري يقشَع !!!
تلفنلي وقلّي مشتاق
لَ عيوني يلّي بتلمع
قلتلُو ع نار الشّوقْ
شموعي من الفرحة بتدمع ...
راح جهّز حالي بكّير
للّي بحبّو كتير كتير
هيدا الغالي هيدا أمير
الْ بغيابو أنا بتوجّع !!!
بوجودُه برفرف وبطير
بيتفتّح وَرد وأزاهير
ما بدّي سرّي بالبير
بدّي المعمورة تسمع !!!
يا قلبي هالمَرَّة وَعد
يلّي بتحبّو عن جدّ
مش راح اسمحلو بالبعد
أو لحظة عَ بيتو يرجع !!!
عامر ...
ليست هناك تعليقات:
إرسال تعليق