خجَل !!!
قوليها مَرّة بالهَمسْ
إنْ كنِّك بعدِكْ خجلاني
متمنّي بإحسَاسِكْ حسّْ
ورفرفْ لو إنّو ثواني ...
قلتلِّكْ أنا يَاها كتير
وصرتِ كلشِي عَرفاني
طّلعي هالسّرّ من البيْر
وقولي قلبي عشقانِي ....
بحبَّكْ اي واللهِ بحبَّكْ
وروحي بروحَكْ ولهاني
لا تخجّلني بتلَبّكْ
بتحمَرّ بسرعة ودَاني !!! ...
يقبرني خجلِكْ يا بنتْ
وأحلى وردِة ببستاني
الْ خلّاني بإحساسِك دبْتْ
ودوّبْ روحي الهيماني ...
عيديها كرمال الحُبّْ
وطفّي فيها بركاني
لا تقولي طلبَكْ شو صَعبْ
المَجني ما بيحرِج جاني !!!
عامر ...
ليست هناك تعليقات:
إرسال تعليق