حقوق النشر محفوظة
--------------------؛
الحب فى زمن الكورونا
----------------؛
عمال يكافح ويعافر
وينحت الصخر ب ضافر
ولا خد م الدنيا دى ولا حاجة
-------؛
وكان يمشى فاتح صدره
وشافت الظلم نواضره
من غير ما يعمل ولا حاجة
--------؛
وعايش على طيبة قلبه
ولما زاد حمله وتقل به
اندارت وشوش من غير حاجة
--------؛
يكتب ولا ردوا مرساله
ودموعه من المر سالوا
صعبة يا باى شر الحاجة
-------؛
من همه تعبت اعصابه
تايه كأن عيار صابه
ولا لاقى حواليه رفاقة
--------؛
والخلق فاكراه متهنى
ويقول د قلبى مات منى
والعين بتبكى على فراقه
-------؛
ويقول طيرت بومى وغربانى
زى إللى ف أرض الغير بانى
والدنيا مينا .. وبور .. شقا
-------؛
ونبات والهم .. محازينا
والنفس ياعين ديما .. حزينة
ولا عاد فيه ضحكة ولا رواقة
------؛
ماينقص ابن الراحة .. رباية
وخاف م اللى ربته ..حرباية
لا وصفة نافعة ولا .. علاجا
---------؛
بقلم / عادل شعبان
ليست هناك تعليقات:
إرسال تعليق