الطّبع غلب التّطبُّع !!!
طبعَكْ غلّابْ
قاسي وما عندَك رَحمِة
ومَنّكْ حبّابْ
ولا بتعرف لطف الكلمة !!
مع هيدا الشي
اخترتَك من بين الزّحمة
إحساسي فيكْ
دوّقني فنون النّقمة !!!
حاولت كتير
غيّر شي من أطباعَك
لكن يا كبير
زدتّ عليّي بأطماعَك !!
خيفانة صير
من يلّي مَلّ وباعَكْ
صار وقتها تحسّ
وما تخلّي قلبي فحمة !!!
ارحمني ولا تجود
صبري ما بقى يتحمّلْ
ماتت الورود
وروحي كلّ يوم بتدبَل !!!
ايمتى بتعُود
محبوبي متل الأوّلْ
ولا اللي راح
بيضلُوا حلم بعتمة !!!
عامر ...
ليست هناك تعليقات:
إرسال تعليق