( إلى الأم الراحلة )
بهالعيد بدي إركع وصلّي بخشوع
ومعروف إنو هيك مقبول الركوع
وباب الأماني صوب ألله بشرّعو
وبطلب يا ربّي ترجّع الماضي رجوع
بلكي يا أمي بترجعي بعيدك معو
تمحي حزن هالقلب ما بين الضلوع
وأهل السما ياريت حالي يقشعوا
كرمال أمي بشعّل دموعي شموع
تتقوم من هالموت واهديها حياة
وتصير أول معجزة بكل الربوع .
مبارك عيد الأم على كل أمهات الوطن الأحياء والرحمة والسلام لأرواح الأمهات الرحلات
/ د. عيسى فضة /
ليست هناك تعليقات:
إرسال تعليق