كفاكَ تفاخراً !!!
ولسّه بتتفاخَر أكتَر
يا شَرقي بإنّكْ رجّالْ ؟؟
ما حَدَن عَ طَرفَكْ غبّر
وبقوتَكْ بتهدّ جبالْ !!!
والأنثى بنظَركْ نَكِرة
رسمالها ..كلمة تنقالْْ
بتعلّي عليها النّبرة
تا ترضى وترضخ بالحالْ !!
عَ كيفَك شو ما بتعمِلْ
وبتغنّي أكبَر موّالْ
بتتناسى البيت وتهمِلْ
اللي بسببها تحسّن هالحالْ !!
ولمّا بتكبَر أو توقَع
أو تمرض وما بقى تنشالْ
بتنادي اللي بتتوقع
ما عندها لحظة إهمالْ !!
بتقلّها .. يا رفيقة العمر
سامحيني على كلشي انقالْ !!
بكرا لو راح عنّي الشّرّ
راح اعملْ منّك تمثالْ !!
غلطانْ وربّنا بيسَامح
لا ترمي جوزك لو مَالْ !!
الأيام الجاية بتثبتْ
كيف بفدي وجودِك بالمال !!!!!
عامر ...
ليست هناك تعليقات:
إرسال تعليق