اللي أوّله شرط !!!
مفكّر تربطني بخَاتِم
وتكبّ عليّي شروطَكْ؟؟
أوعى يا ابن الآوادم
تنغرّ ويعلى صُوتَك !!!
مربّاية أنا بنتْ أصولْ
ماني خيط من خيوطك
خلّي طلَبَكْ بالمعقول
يمّا من قلبي بشُوطَكْ !!!
ستّي وستّك زمنُن راح
خلّيك مخبّي سُوطك !!!
تا ما قصّلك هالجنَاح
وفرص التّحليق تفوتكْ !!!
الكلمة الحلوة سرّها كبير
بتقرّب ما بتنفّر
مش راح اسمح تعمل زير
وبعقل الشّرقي تسيطر !!!
بيني وبينك في تقدير
ألفة بقلبي بتعمّر
غير هيدا خلّيني طير
ومِنّ عليّي بسكُوتَكْ !!!
عامر ...
ليست هناك تعليقات:
إرسال تعليق