تناقُض !!!
كل ما بحاولْ قرّبْ منَّكْ
وافتح لك قلبي وناديكْ
بحسّ بحالي ببعد عنّكْ
وجوّاتي بقلّكْ خلّيكْ !!!
يمكن حُبّك بيهَدّيني
وبيخلّيني ما انهيّكْ
يمكن جرحَك بيبكّيني
ويمنعني اتلاقى فيك !!!
إحساسي بيقلّي انسى
آهاتي بتقلّي اقسى
وأنا بين نارهن عم اتمسَّى
وعيوني بشوقها تخبّيك !!
يا ريتك ما قسِيت عليّي
ولا بكّيتْ قلبي وعينَيّي
كنت بقيت العمر بجنبكْ
أوفى حبيبة بتداريك !!!
عامر ...
ليست هناك تعليقات:
إرسال تعليق