وجع الغرام !!!!
الليلْ بيعرِف أسراري
والقمر عليّي شاهِد ...
شو عملِت فيي ناري
من عشقي وسَهري الزّايد !!!
وانتِ غفيانة بكّير
مش سألانة عليي كتير
تاركتيني بحلمي طير
حدّ الْ متمنّي واعِد !!!
لا تقولي حُبنَا سَوتين
قدّ بقدّ ويخز العين
أنا حبّي أكتر مرّتين
ووحياتك ما عم زايد !!!
متمنّي اغفى دقيقتين
تا خفف شوقي يا زين
لكن وحياة هالعينين
بيضلّو نومي معاند !!!
وبعدِك بتقولي احلفلي
حابب انّك توصلّي ؟؟
كل ليلي بدعي بصلّي
يجمعنا سقف واحد !!
عامر ...
ليست هناك تعليقات:
إرسال تعليق