اسمَحلي فيها
تخّنتها
وزادت عن حدّها القصّة
اعذارك
مهما قبلتها
بتضلّها بقلبي غصّة !! ...
بتشتاق
لبيتي بتنطّ
بتعملّي هيصَة وجرصة
من بعدها
بتهرب وتغطّ
وبتبعُد عنّي حصّة !!!!
شو مفكّرني
بلا إحساس
يا عاقل يا إبن النّاسْ ؟!!
لمّن بدّك
تشرب كاس
بتلاقي عندي الفرصة ؟؟
مو يعني
انّي بحبّكْ
اتحمّلْ منّك غُلبكْ
اتركني
تا تطهّر قلبكْ
صار بدّك مني قَرصة !!!
أنا بدّي
حدّي رجّالْ
جَدّي مش كلمة تنقال
يسندني
بأصعب الحوَال
وهمومي يحمُل نصّها !!
ان كنّك قدّها
عال العالْ
بعملك أكبر تمثال
غير هيْكْ
تأدّب وارحالْ
خلّيتني بقّ البحصة !!!
عامر ...
ليست هناك تعليقات:
إرسال تعليق