حُلم وحسَد !!!...
منّها طويلة القصّة ثواني
راح احكيها وأنا بَكْيانِي
بهاك الليلة الْ ما بنسَاها
على ما اذكر جاني أمير !!!
عَا حصانو الأبيض ناداني
من بين صحابي نقّاني
خجّلني وورَّد بستاني
وخلاني ع جناحو طير ...
صرنا نعلّي قد ما منقدَر
والقمر لفرحتنا تحضَّر
حَفلْ وموسيقا مِسْك وعنبر
وأنا خيفانة من التصوير !!
محبوبي كان مني أشطر
هدّاني وإحساسي قدّر
جاوبني بجملة مش أكتر
لا تخافي لو مهما يصير !!!
وخلصنا الفرحة ورجعنا
عا الكوخ اللي بوقتها جَمَعنا
لكنّا ... ضعنا وضيّعنا
خواتمنا وما لقينا سرير !!!
تاري اللي كانوا سرقونا
معازيمنا وقالوا بيحبونا
تذكّرنا بوقتها حسدونا
وتمنّولنا نعيش تعتير !!!
عامر ...
ليست هناك تعليقات:
إرسال تعليق