/ زحمة النسيان /
تذكّرت إني نسيت إتذكّر
عنوان قلبك يمكن تغيّر
مدري وقع من جيبتي العنوان
مدري القلب عز الصبا ختير
ولمّا مرقت عا حاجز الغفران
رفعتي بِ وجهي كرتك الأحمر
حتى خريفي تفركش بنيسان
وهرّ الحلم من غصنك الأصفر
حملت الوعد هالكان ياما كان
وجايب معي الأيام عَ المكسر
ولمّا طلعت من زحمة النسيان
ورايح عَ برج الذاكرة إسكر
وعفّر بقايا من فكر جبران
بوقتا وصلت عا مفرق المخفر
سلّمت حالي بصحوة السكران
حكمتي عَ قلبي بالبراءة رجعت
متل القمح مشتاق للبيدر . عيسى فضة
ليست هناك تعليقات:
إرسال تعليق