&&&&&&( مملكة الحب )&&&&&&&&&
فستان ابيض لبسك لون الزهر
من معطرك نيسان نفّح بالعبير
لون خدود البيض وعيونك خضر
عاموج بحر الشوق قررت المسير
بحاكي نجوم الليل وبحب السهر
عاقد شوقي اللّيل بعتبرو قصير
برندح قصيد بحملو عدة عبر
حلو المذاق كتير اطيب من نُمير
عاشكلك المهيوب لوحات وصور
ببعت يراعي صوبك يعمل سفير
هيدا محال يضل قلبك من حجر
بدك فؤادي يضل بسجونك اسير
لو تعلمي الجفنين شو صبو عبر
والجرح دامي والامر صفا عسير
نشالله هنيهة يكون في عندك نظر
نفرش بساط الحب من افضل حرير
تبقا السعادة موكلة بإزن القدر
برضا معاكي عيش عانتفة حصير
ويبقا جلال الحب مملكة البشر
نبقا غنايا الحب والباقي فقير
بقلمي
سلمان حسن
ليست هناك تعليقات:
إرسال تعليق