بَنكْ الحُبّ !! ...
ما عندي شَكّ
انّك بتخاف عليّي
ولا عندي شكّ
انّك يا عاشقْ ليّي ...
كتبتلك شيكّ
بحُبّ وشوق وحنيّة
وحطّيتو ببنكْ
اسمُه قلبي وعينيّي ...
كتار العشّاق
بضلّك انت الأحلى
عا طول مشتاق
وبحُبَّكْ ما بتتسلّى ...
وحياة الحبّ
عنّك ما راح اتخلّى
انتَ الْ بالقلب
إبعد عنّك ما فيّي ...
من أوّل يوم
حبّيتك غَصباً عنّي
وكرهتْ النّوم
خوفي منّك يحرمني ...
حبّي تا يدوم
نصحوني تقرّب منّي
وحوليي تحومْ
وتشبك ايدك بيدَيّي ...
عامر ...
ليست هناك تعليقات:
إرسال تعليق