غنّيلي بصوتِك موّالْ
عا دقّة عودي العاشقْ
معذورة لو خصرك مال
ودبتِ من عَزفي الرّايق ...
ما كنتْ بعمري محتال
طول عمري بحُبّك صادق
وحياتك قلبي ما مالْ
ولا كان بغيرك غارقْ ...
خلّيني دوب بهالصّوتْ
رفرف بجناحي وعلّي
إحساسك موّتني موتْ
شو ما قلتِ بيوصَلّي ...
خلّيني عا قلبك فوت
واحفر اسمي ومحلّي
حنجرتك دهب وياقوت
ولحني ع صوتك لايق ...
خلينا بهالسهرة نجنّ
وننسى الدنيه وأحوالها
عُودي لعودك والله حنّ
وروحي اشتاقت لوصالها ...
بيقولوا عن عشقي فنّ
ولوحة نيّال الْ طالها
والليلة ما بدّي كنّ
وراح ابقى بحضنك دابق ...
عامر ...
ليست هناك تعليقات:
إرسال تعليق