تحية وحب لواحة الشعر والنغم
&&&&&&& ( مناجاة حبيب )
عزمتك تسهري معنا شوية
زعلتي ليش هالزعلة القوية
كان القصد يسعدنا حضورك
مفيها لا خيانة ولا خطية
بدل مانسعد بنفحة عطورك
و علينا تظهري اجمل صبية
احتار الفكر من سرعة نفورك
الغواني عجب تعمل عنجهية
بدك هالقلب وجبة فطورك
وكاسة شاي من دمعة عنية
بدك ثوب من ياقوت عطولك
وعرش بلقيس منحل القضية
وربيع العمر في كامل فصولك
ونجوم الفلك حولك مزهرية
عليي هوينة بساعة قبولك
ورب العرش. وجنان العلية
بجبلك مال كسرة مابهينك
بجبلك نوق من نجد العدية
قالت هالعهد بيني وبينك
مبدي. المال بدي صدق نية
انا. ماهمني. لمعة لجينك
المهم الذوق عندك شاعرية
هويتك لا فرق بيني وبينك
انا ماهمني. شكلك ودينك
( ولا بأيد بعمري طائفية)
بقلمي
سلمان حسن
ليست هناك تعليقات:
إرسال تعليق