بتبقى العتابا بنت عم الميجنا
فوتي عَ بحر الحب جاهز مركبي
تا تركبي ويكون جنبك مركبي
أول عبارة حب حلوة مركّبة/ي
إلّا إلك ما قالها قلبي انا
أنا والقلب عَ ديارك قصدنا
النوايا وضّحت مغذى قصدنا
وبعد ما غازل شفافك قصيدنا
قطفت من الشهد أطيب رضاب
قومي معي تنفوت عا بيت القصيد
قبل الوقت مايموت ويضيع القصيد
قاصد قصد مقصود رح خلّي القصيد
يزهّر عشق فوّاح جوّا قلوبنا
يا ميجنا ويا ميجنا ويا ميجنا
إنتوا القوافي في عشق اشعارنا . عيسى فضة
ليست هناك تعليقات:
إرسال تعليق