حرقة قلب 😥
غلطتْ بحقَّك لمّا عشقتَكْ
ما عرفتْ بإنّك ولهانْ
غيري قبلي سَرقتْ قلبكْ
وبتحبّك بطريقة جنانْ ...
بتمنالك كلّ الفرحة
تا تضلك أسعد إنسانْ
قدري مصمم يكسر قلبي
ويخلّيه شريك الأحزان ...
غلطتْ بحقَّك لمّا عشقتَكْ
وما عرفتْ بأنّك ولهانْ ...
نيّالها الدنية ابتسمتلها
وخلّتها تتعلق فيكْ
واختارتلها اللي بيسعدها
تا يضلّو بحياتها شريك ...
أنا من قلبي كتير بحسدها
وبدعيلَك الله يهنّيك
سامحني أنا ماني ضدّها
لكن من وجَع الحرمان ...
غلطتْ بحقَّك لمّا عشقتَكْ
وما عرفتْ بأنّك ولهانْ ...
غدّارة الدنية وجبّارة
وبتقسى علينا وبتذلّ
وكأنّو عم تاخد تارها
ما بتتعب لحظة وبتملّ ...
بتعلّي بوجّنا أسوارها
بترمينا بحزنها وبتفلّ
بتكوينا بجروحها ونارها
تا نعيش العمر ببركان ...
غلطتْ بحقَّك لمّا عشقتَكْ
وما عرفتْ بأنّك ولهانْ ...
عامر ...
ليست هناك تعليقات:
إرسال تعليق