أبوسْ إيدكْ !!!!
دخل عيونك يا دكتور
اعطيني وصفة سحريّة
اخلَص من هالّديكتاتور
اللي مسبّبلي عصبيّة ...
تجوزتو والله بالزّور
وأهلي اللي زفّوه ليّي
بيني وبينو في ميّة سور
وما بعمرو فهم عليّي ...
لا حسّاس ولا رومانسْ
ولا بيفهم بالحرّية
مفكّر حالو سِيْد النّاسْ
ووحدو الخلطة السّريّة !!!
أفكارو قبل الميلاد
يتطوّر ما في نيّة !!
ومع هيدا قاسي وجلّاد
وايدو عم تعلى عليّي ...
بدّي وصفة تهدّو هدّ
وما بقى يطّلع فيّي
تحطّلي لدموعي حدّ
الْ حرقتني صبح وعشيّة !!!
بدّي رفرف بدّي طير
وبدّي فتّح عينيّي
بدّي يخلص هالتعتير
ودوق العيشة الهنيّة ...
عامر ...
ليست هناك تعليقات:
إرسال تعليق