&&&&&&( نفحة شعرية )&&&&&&&
شو هالشفّة المخمُورة ومجّة دخان
بتسوا كل المعمورة يازهر البان
وحيات ربك هالصورة بدها فنان
وشاعر ينظملا شعورا شريب نبيد
***
شاعر مرهف بالكلمة عندوإحساس
كلما يكتبلك جملة بحرف الإلماس
الشاعر كاوجه العملة هيك بينقاس
كلما تعتق بالحفلة إحساس يزيد
***
دخل الخمرة بشفافك دبلتي جفون
حنّيتي ضهر الشافك متل العرجون
الصاحي بزودة الطافك صفامجنون
والمجنون بأوصافك عقل من جديد
***
هيدة النهفة الشعرية بعتا للكل
نشالله الوردة الجورية عليكم بتظل
بكتب دوم. بسجية عمري مبمل
في هالواحة السحرية عنها مبحيد
بقلمي
سلمان حسن
ليست هناك تعليقات:
إرسال تعليق