دويتو ( 🧘♂️🧘♀️)
🧘♂️ عتبان عليكِ وزعلان
ومن حقّي جنّ واعتبْ !!
🧘♀️معذورة يا أغلى إنسان
رُوق عليّي لا تغضَب !!!
🧘♂️ طوّلتِ الغيبة وهالقلبْ
بلّش من صبرو يتعبْ !!
🧘♀️ تسلملي ويسلم هالقلب
اللي بحبُّو قلبي دَوّبْ ....
🧘♂️ وين غبتِ هالمدّة وين
قولي لا تخبّي عليّي !!
🧘♀️ وحياتك يا نور العين
خبّي كلمة ما فيّي !!
🧘♂️ طيّب قولي عم اسمع
🧘♀️ ما بدّي عيوني تدمع !!
🧘♂️ وحياتِك هلأ برجع
🧘♀️ لا تخلَّي وجعي أصعبْ !!
🧘♂️دخلك قولي شو القصّة ؟
🧘♀️ أهلي جبروني بغصّة !!!
🧘♂️شو بفهم من هالجرصة ؟
🧘♀️الأمل اللي عشناه كذّب !!
🧘♂️ شو يعني مات اللي كان
وجرُّونا لبحر الأحزان !!
🧘♀️ راح تبقى أغلى إنسان
لضلوعي وروحي الأقرب 😥
عامر ....
ليست هناك تعليقات:
إرسال تعليق