( أنتي السبب ) شعر محكي
يا معتّقا نبيد
الحلى بخابة أدب
حبي إلك
بيضل أغلى من الذهب
مشتاق كاس
الشوق عا خمر الحنين
قد القلب
ما اشتاق نتلاقى بحلب
وجبلك معي
من الشام باقة ياسمين
من ريحة التاريخ
عَا وراقا انكتب
من هون
أول ما ابتدا التكوين
يفتح طريق
النور للشام انتسب
أنتي وأنا
رح نمسح الماضي الحزين
ونكتب عَ باب القلب
مرفوع العتب
بكرا انطريني والبسي
تاج اليقين
رجعت ليالي الأنس
وغناني الطرب
رح نلتقي
ونعيد أحلى الذكريات
إنتي السبب
تا ضل عشقان الحياة
ولولا هواكي
كان ما عندي سبب . عيسى فضة
ليست هناك تعليقات:
إرسال تعليق