نشَّفتْ دَمّي 😏
كرمال الله لا تخجَلْ
راح غمّض عيني قولها
خايفة أحاسيسي تدبَلْ
ويبطَل بعدها مفعولها ...
ما بدّي تقدّم اعذار
وانّو لازم عا اصولها
جوّاتي شعلانة النّار
وأشواقي جنّوا خيولها !!!
مربّى عاقلْ وابن أصول
هيدا الْ فيك معلّقني
بسّ اتصرّف بالمعقول
سكوتك والله مجنني !! ...
مَنّا غلط تغازلني
وباللي تقولو تدوّبني
قلبي صاير يوجَعني
واللهفة بدّها رسولها ...
ارسمها بايدك واكتبها
أحسن ما تجبلي هديّة
بدّي الليلة اسمعها
ما عندي صبر النيّة ...
ابدا بحرف وتاني حرف
واترك الباقي عليّي
لا تقلّي ظرف وما ظرف
بعمري وقتها ما بطولها ...
عامر ...
ليست هناك تعليقات:
إرسال تعليق