يا قلبي هَلكتني 😥
شو رأيك قلبي تهدا
وتروق عليّي شي شوي؟
المحبوبة ماني قدّها
بتغرّقني بشربة ميّ !!!
صَبيّة ومال وجَمالْ
قمر وشمس بتكوي كيّ
وأنا يا حسرة عَا قد الحالْ
مش ناقصني همّ وعَيّ !! ...
اتركني بحالي ما بدّي
اتعلّق أكتر فيها
لما بتمرق من حدّي
بعمل حالي ناسيّها ...
وانت نازل فيي نبض
وآاااااهاتك بتعلّيها
تقبرني وتقبرني الأرض
اللي بإجريها بتخطيها !!!
شو مفكّرني بلا إحساس
وحياتك أنا متل النُاس
لكنّي زيادة حسّاسْ
خايف قرّبْ واتبهدَلْ !!!
مع انّها بعتت مرسالْ
قالتلي يا غالي اسْآل
مدوّبني وشاغل هالبالْ
حنّ ولا تبقى تدّللْ !!!
عامر ...
ليست هناك تعليقات:
إرسال تعليق