الناس...
ف حياتنا كتاب....
صفحاته... كتيرة.
صفحة شفافه...
تشوف نفسك فيها....
و صفحة حروفها ..
مشخبطة تتوه ف معانيها...
و..صفحة حروفها ملخبطة..
ومكركبة دايما تتكعبل فيها...
وصفحة... مترتبه حروفها ...
وواضحة معانيها...
وصفحة بلون الورد.....
تدي لحياتنا كل حب وود..
وصفحة حب وامان ..
معاها شهادة ضمان... .
وصفحة تديلها الامان ..
تلاقي فيها غدر الزمان
وصفحة لونها اسود...
متعرفش غير الكبرياء..
وصفحة مكتوبة...
بحروف من غير معني..
وصفحة كل كلامها..
دايما بيوجعنا...
و صفحة تلاقي نفسك جواها..
وتضحك من كل قلبك وانت بتقراها .
وصفحة حروفها بتلمس روحك...
وتتوه بخيالك جواها...
وصفحة حروفها زي الماس..
تدي الحب لكل الناس..
وصفحة ورا صفحة بتتجمع ف كتاب
كتاب بيضم الغريب ويضم الاحباب
بقلمي ايمي. توماس
ليست هناك تعليقات:
إرسال تعليق