ما صار الوقتْ ؟!!!
طيّب وبعدين ؟
ايمتى راح تصلِح حَالَكْ ؟؟
وترحم يا زين
اللي بقلبُه وروحُه شالك !!
بكّيتْ العين
ودموعي ولا على بالكْ
فوقها تهديد
تحرمني فَرَح وصَالكْ !!!
تماديتْ كتير
على هالقسوة نيّالكْ
انتِ الكبير
والكلّ قزامْ قبَالكْ !!!
تجاوزت الزّير
بنزواتك وبأفعالكْ
صار وقتها تجير
اللي بتعشق حتى خيالك !!!
لاموني النّاس
وانا ما بسمع كرمالك
يا أغلى النّاس
لا تحرقني بإهمالكْ ...
خليتني مَداسْ
وأنا متمسّكة بحبالكْ
صار وقتها تحسّ
وترحمني من إذلالك !!!
عامر ...
ليست هناك تعليقات:
إرسال تعليق