وآااااه يا زمن 😥
عِشنا بزمَن بيشبه رُوحنا
طيبة محبّة وفا وإخلاص
فجأة صحينا عَ دنيه غريبة
كره وحقد وناس غير ناس ...
تمثال الإنسان تدمّر
ما بقى لُه في الدنيا أساسْ
والحبّ اللي كان تطوّر
صار كلمة من غير إحساسْ !!!
الطيّب حَقّ علينا نهينو
وكرامتو .. طبعاً تنداس
والأزعر نفضل شايلينو
بقلوبنا عَ العين والرّاس ...
زمن بيرفع شأن الواطي
وخلّانا لبيتُو حُرّاس
والعَالِم من حقّو يطاطي
للي ما حَمَل الكُرّاسْ ...
عشنا وشفنا معنى القهر
وكيف بيتمايل هالكاسْ
وكيف بيعلى شأن العهر
وإيد الحرميّة بتنباسْ ...
عامر ...
ليست هناك تعليقات:
إرسال تعليق