قصيدة غنائية
لوطني الأم ولكل أم
أغراب
أغراب
صرنا أغراب
يا صبر صبرنا
البحر ضيعنا
و ضيع إيدينا
عالرمل كتبا
راجعين يا وطنا
الموج بنهارو وعدنا و كتر
و رجع بليلو غدرنا و كدر
غرقنا بموجو و مسح أسمينا
يا موج يا عالي لوحلن بدالي
سلملي عليهن تسلملي عينيهن
سكرنا بوابنا
فتحها هوانا
شبابيكنا عبتحكي قصص غنوينا
ستائرنا عبتومي كأنها إيدينا
نواحها عبيوصل بالغربة لعنا
عبتسأل عحبابنا
يا ترى نسيونا
و لا عبيحكوا لحبابهم علينا
أزهارنا بكيتنا
و فلنا عبيسال لوين فلينا
لوين فلينا
سامحنا يا ترابنا
انشليت إيدينا
حملنا ولادنا
و تركنا قلوبنا
حملنا أوعينا
عصخرك أسمينا
نحنا ممنرجع
علينا لا تتوجع
غراب بالغربة
و غراب في وطنا
عذاب في صباحك
و عذاب في مسانا
لا تصدق كذبنا
منموت بشمسنا
بسنابل قمحنا
عرقنا و دمانا
بترابك عجنا
منحبك وطنا
لا تصدق كذبنا
كذبنا بكانا
بقلم ورسم
محمد عبد الله عجوم
ليست هناك تعليقات:
إرسال تعليق