صَفعَة !!
سْكَبتلِّي كاسَاتْ الحُبّ
شرَبتها من أوّلْ كَرعة
من بعدها كبّيتني كَبّ
وقلتلّي كلّو صَرعَة !!!
يا ويلَك دوَّبتْ القلبْ
ودوّقتو نار اللوعة
وخلّيت صدقي بِموقف صعب
وزرَعتْ بعيني الدّمعة !!!
لا تتباهى بإنّك شَبّ
والبنت بعينَك متعة
خلقِت تا لحظة تنحَبّ
وتحرقها متل الشّمعة !!!
اسمك راح يبقى ينسَبّ
وتتكنّى بسوء السّمعة
وبالآخر في إلنا رّبّ
اللي بعدلو إلنا طمعة ...
غلطة عمري بإنّي وثقتْ
وسلّمتك روحي بسرعة
الله العالِم انّي ندمتْ
وصَحّتني أوّل صَفعة ...
عامر ...
ليست هناك تعليقات:
إرسال تعليق