القاتِلة !!
وآخرتها مع هالغيرة ؟
يلعن اختها هالسّيرة !!
مفكّرتيني جيمس بوند
ولاّ سلطان ألدّيرة ؟!!!
كبّري عقلِك شي شويّة
حاجة تزيديها عليّي
مش كل يومين تفنكِة
والله ما عدّتِ صغيرة !!...
اللي براسي أكبر بكتير
تا اجهَلْ او أعملْ زيْر
شيّبتيني عَا بكّير
وخلّيتِ سناني عِيرة ...
افهميني كرمال حبّنا
خوفي الغيرة تضيّعنا
وحيَاة اللّي جَمّعنا
مَلِّت قصّتنا الجيرِة ...
عاهدتك انّي ما خون
أو جامِل لو مهما تكون
انت بقلبي وين ما بكون
لا تعيشي بخوف وحِيرة ...
عامر ...
ليست هناك تعليقات:
إرسال تعليق